28 Nopember 2014 (Bahasa Toraja)
Puang
Tangmekalupai
Mengkilalana’
lako misa’ tuna’na solaku tu mangka untiro kareba kadake (berita krimanal-red)
lanmai televesi. Den misa’ pa’boko untamai banuana to unnampui anak baitti’ pa.
ya tonna mangka na tore’ tu indo’na tinde pia tumangi’ bangmo saba’ mane pirang
bulan. Nakuami tu toboko mekutana lako indo’na, apara la dibenni na bisa kappa
tinde anakmi, nakuami pebali: digaragan susu namane dipamma’. Mangka to male
tonganmi tinde pa’boko nagaraganmi susu sia napamamma’ tinde pia, anna mane
beraksi boko. Apa ya te pa’ boko naamppa’ sia polisi na ditahan. Dikutanaimi
dikua, matumbai anna bisa siao sae lantangnga’mi unggaragan susu te pia sia
mipakappa dolo. Nakuami mpebali, den duka anak baitti’ku dio banua dadi tang
masena’ launtiroi te pia ketumangi’i.
Namui
umba susi kadakena tu penggauranna tolina inang lana pakaboro’ tu anakna. La’bi
raka Puang Matua lako tu kita tonala’bak dosana. Susi telan pa’basanta totemo
kumua belanna yatuto ma’kamayai tae bang na torio tu tona kamayai, marassan
yatemai umpamalompo kalena anna eloranni te domba tangdia’. Puang Matua kalena
la urrampananni tu mai domba, sia la Napaolai salunna tu domba misa' sola tu
misa'nao. Kusanga ditandaimo apa alasanna. Belanna na pokada kalena moya Puang
kumua Ia kalena la dadi toma’kamayai lako tu domba-domba, yamoto ladipamatana
tu penaanta sia da’motamataku’ yatu caranya Puang untiroki la’bipa ya nayatu
carana tolino. Susi tu nasa’bian Nabi Yesaya
lan mai pasala’ 49:15 nakua: “Ma'dinraka
misa' baine ungkalupai anak sumusunna, anna tang ungkatirinnai tu anak
natibussanan? Kenna la ungkalupai tonganni baine iato mai, manassa tae' Aku
Kukalupaiko”.
Tidak ada komentar:
Posting Komentar